فيروس كورونا ...إكتشاف جديد يقلب الموازين ويغيير فكرتنا على الفيرس
 |
| كرات الدم الحمراء |
- بداية الورقة ليست تعتبر ورقة بحثية، هي مجرد طرح للنقاش، لم يتم مراجعتها علميا، الطرح هو عبارة نوع من النمذجة التركيبية (structural modelling studies) وده نوع من الدراسات بيتم عن طريق الكمبيوتر لدراسة احتماليات تأثير بروتينات معينة على الدم وبيتم فقط في صناعة الأدوية والمركبات الكيميائية والبيولوجية.
- لذلك النوع ده من الدراسات بيجيبوا فيه بروتينات مختلفة ويقوموا بعمل محاكاة لها لمعرفة إزاي هتأثر على الجسم وإزاي الدم هيتعامل معاها وهكذا، الباحثان في الطرح استخدم 3 بروتينات فقط علشان يخرجوا بالطرح ده، لكن النوع ده من الدراسات بيتم على أكثر من 100 بروتين في وقت واحد لان بافتراض نسبة خطأ كبيرة لأن الدراسة كلها افتراضية وتتم من خلال Computer modeling .
 |
| كرات الدم الحمراء وكرات الدم البيضاء |
- نقطة هامة جدا تضرب هذة الفرضية عرض الحائط، طارح الفرضية يفترض أن الفيروس يهاجم خلايا الدم الحمراء، ومن المعروف الفيروس يلتحم بالخلية البشرية وليه RNA وينسخ نفسه داخل الخلية، لكن كرات الدم الحمراء لا تحتوي أصلا على DNA في الأساس وبالتلي كرات الدم الحمراء لا تمتلك نواة ، ف إزاي هيهاجمها الفيروس ؟ مفاجئة صح ؟
-- الطرح ده قدمه باحثان أحدهم دراسته "حاسبات ومعلومات" والآخر باحث في علوم هندسة الغذاء، بدون مساعدة أي عالم بيولوجي أو عالم فيروسات حتى ! لذلك الطرح ضعيف جدا ولا يحتمل النقاش العلمي حتى في الأوسطة العلمية. f -- الغريب أن أمر بتلك التفاصيل الدقيقة تناقله الكثير من العامة وخصوصا العرب، اهتماماكم بالعلوم شئ جميل ويسعدني بشكل شخصي ويسعد الكثير، لكن تحري الدقة في الوقت ده مهم جدا، مش علشانك انت لوحدك، لكن انت ليك دور حاليا بأي معلومة خطأ أو إشاعة تشاركها. الموقف لا يحتمل ذلك.
-- زي ما بعيد كثير، احنا لسة قدامنا وقت مش قليل، حافظوا على سلامتكم باتباع تعليمات الوقاية، حتى إشعار آخر.
